الأربعاء، 29 فبراير 2012

احلام وامنيات

ات
 مين وهوا قاعد مابيتمناش حجات يحققها وسعات بتبقى خياليه شويه ويقول ياااه نفسى اعمل واعمل ويبقى عندى  كذا وكذا عشان كده قررت اكتب كل حاجه نفسى يكون عندى او احققه


  • نفسى يبقى عندى بيت صغير مستقل بيا انا بما انى بحب الاستقلاليه ويبقى عندى الامكانيات  ان اصمم الديكورات بتعتو بنفسى .
  • نفسى يبقى عندى الامكانيات المديه اللى تخلينى اقدى كل شهر فى دوله شكل  ومنها ( نيويور - فرنسا - ماليزيا - اليابان - توركيا - لبنان - الامارات (.
  • نفسى يبقى عندى كمان الامكانيات المديه اللى تخلينى احقق للناس المحتاجه احلمهم اى حد نفسو فى حاجه او محتاج حاجه اقدر اجبهالو .
  • نفسى يبقى عندى اوضه مخصوص يبقى فيها احدث الادوات الاكترونيه من شاشات كبيره لاجهزه لاب توب اى باد اى فون كاميره فيديو كاميره تصوير احترافيه كلو يبقى عباره عن ستوديو .
  • نفسى يبقى عندى مليون او مليون ونص فى البنك يجيلى عائد منهم كل شهر اعيش بيهم مرتاح البال هههههه .
  • نفسى يبقى عندى المقدره ان اتعلم اكتر من لغه وبالتحديد الانجليزيه والفرنسيه .
  • نفسى اقول للجميع على ميولى المثلى وميهمنيش خوف او نظرات الناس وارتبط بحد نعيش مع بعض بقيه العمر .
  • نفسى يبقى عندى خط dsl خاص بيا بعيد عن الشبكات وان حد يتتبع بخش مواقع ايه وبعمل ايه .


عرفتو بقى ان فى احلام كتير صعب تتحقق ههههه .

الاثنين، 27 فبراير 2012

انا انسان



أنا إنسان
أنا إنسان
.
برقص وارسم بالالوان
.
ضحكة تخلي الفرحه تبان ان إنسان
.
ساعات احب واكون فرحان
.
وساعات
اعيش وسط الاحزان .
.
انا انسان عايش بتألم مالنكران
.
مجتمعي رفضني اعيش علشان .
.
أنا في نظرهم يدوب حيوان !!
.
انا انسان عصفوره بتهرب مالغربان .. انا انسان .. ساعات بحب اشوف حبيبي بعنيا وساعات بموت مالخوف لو غاب يوم عليا من غير مكون جنبه مبحسش بالامان ...
.
الناس قاسية اوي لو عرفو انك "جاي" يعدموك ف الميدان .. تصرخ تقول حراااااام حرام دانا انسان ... عندي احساس وقلب ..ولا ذئب أنا ولا كلب ... عشان اتجر وأتهان ..نزل ايديك لتحت ..انا مأذتش حد .. ده حرام بأه وبجد ... نفسي اعيش في أمان ... ليه أبكي انا علي طول... ملي يقول يقول ... ايوه أنا إنسان ..لا بأيدي اخترت ميولي .. ولا حتي اخترت لوني .. حتي اسألو الالوان ...... ايوه انا انسان مليان احساس وحب.. مش زيكم حياتكم دايما مليها الكدب
.
ياااااااناس حرام سبوني ... لية دايما تجرحوني ... لو عاوزين تقتلوني ... خلوني اشوف حبيبي ... واحضن قلبه بعيوني.. وياشمس الحب غيبي... ضاع مالعالم الحنان... "الاستريت" ف كل حته "والجاي" ملوش مكان .. القسوة في كل حته والحب ملوش مكان ... انا اسف يا دنيا ليكي اني مليش مكان .. أنا انسان ..


======


ملحوظه الكلام منقول من ‎Gomido Amr على الفيس بوك

الأربعاء، 8 فبراير 2012

ماركت الوكاله

ياهلا حاسس دلوقت وانا بكتب بملل غريب وزهق وضياع وكل حاجه سلبيه ممكن اى حد يتخيلها ( وايه الجديد ) مافيش جديد اللى اصبح فيه ابات فيه حتى احوال البلد ما تفتحش النفس اضربات واعتصمات ومليونيات وناس بتموت وناس بتتصاب وكل يوم على كده والحياه وقفه وناس مع المجلس العسكرى وناس ضد قطيعه تقطع المجلس على ميدان التحرير فى ساعه وحده كل جهه عندها مصايب تودى فى دهيه والبلد بقت مقسومه لخونه وفلول هههه مش حاجه تدحك واللى ما يعجبوش راى حد من السياسين يطلعولو الصوره اللى بيسلم فيها على جمال مبارك وى احمد عز حاجه بجد بقت تدحك انا من الناس اللى قلت نعم فى التعديلات الدستوريه باسم الاستقرار لاكن هيهات ولا ريحه استقرار شفناها من سنه لسه مكتشف من اسبوع ان اكبر جريمه عملتها ان قلت نعم وماقلتش لا على الاستفتات الدستوريه للاسف بس يالله ربنا يعدى الايمدى على خير المهم الشهر اللى فات كنت خارج فى مره فلقيت اعلان مكتوب على سوبر مركت مشهور عندنا اسمو الوكاله المهم كانو طلبين ناس تشتغل عندهم كاشير وناس تقف على قسم الاجبان وناس تنظم الارفف وكده المهم روحت وقعت افكر فى الموضوع بصراحه كان نفسى اكلم حد واخد رايو ملقتش المهم رحت حاكى الموضوع للست الولده مع ان عارف الراى مسبقا وعارف تكسير العزيمه اللى هسمعهم المهم رحتلها وشرحت ليها انا عايز اشتغل وان بدل ما انا قاعد وان ده مش هيمنع ان ادخل الامتحنات امتحن بما انى مبذكرش طبعن الولده رسمالى خريطه طريق عيزه تشفنى فيها حتى لو صعب تحققها المهم خرجت من عندها المعنويات زيرو بس برضو عبرت ان هعمل اللى فى دماغى وبينى وبين نفسى بصراحه بحس ان انا استاهل شغل احسن من كده بس اعمل ايه ادى الله وادى حكمتو ماقدميش حل غير الوكاله وكمان الشغلانه سهله من نحيت ان اوى مره وكده المهم رحت على الساعه عشره كده على الوكاله اسال على الشغل المهم قالولى الشغل من اساعه خمسه المغرب لاتنين بليل قلت حلو نص يوم يعنى طيب المرتب كام قالو 500 جنيه قلت اجمل واجمل سالت لكل الوظايف ولا فى حاجه اعلى قالولى لا سالونى معايه شهاده ايه اول ما قلتلهم لسه بكمل دراسه وشهم جاب الوان وفوق وتحت قلولى بصراحه احنى عيزين حد يكون خلص تعليم مش لسه تلموز هههههه اديقت اوى المهم الموظفه قالتلى روح الفرع التانى وقلهم على الموضوع يمكن يوفقو قلتلهم طيب خرجت من عندهم وانا مدايق اوى المهم خت تكسى ورحت الفرع التانى وبالفعل رحت للموظفه قلتلى نفس الكلام ما بيشغلوش تلموز لان بيرجع تانى يمشى ويسبهم بحجه الدراسه قلتلها بس انا موعيدى تمشى على موعيد الشغل يعنى الدراسه ملهاش دعوه المهم رفضت وعلى ما اعتقد جيلهم تعليمات من فوق بكده خرجت وانا مدايق اوى كانى كنت هشتغل فى شركه هههه صحيح الشغلانه نص نص لاكن كانت هتنسبنى من نحيه الموعيد والمرتب وكلو بصراحه روحت محبط اوى ومدايق بس قلت مش مشكله يمكن ربنا كتبلى فى المستقبل بحاجه احسن بس وتوته توته فرغت الحدوته حلوه ولاملتوته .