وسقط النظام

أعلن اللواء عمر سليمان نائب رئيس الجمهورية أن الرئيس مبارك قرر تخليه عن منصب رئيس الجمهورية وتفويض المجلس الأعلى للقوات المسلحة لإدارة شئون البلاد.

وكان اللواء عمر سليمان قد ألقى البيان الرسمى منذ لحظات.

http://www.youm7.com/News.asp?NewsID=350156&SecID=65&IssueID=150

-------------------------

وسقط النظام فى 11-2-2011 على قد ما الشعب المصرى باغلبو خرج فى الشوارع مبصوت بخروج مبارك ومش بس مصر لا وكمان الدول العربيه وكانو كان قاعد على قلبهم وعلى قد ما مبصوت ان الاذمه اللى بقلها 18 يوم انتهت وحابب لمه المصرين وفرحتهم على قد ما انا حزين مش عارف بالتحديد سبب الحزن هل للاسلوب اللى خرج بيه مبارك بالرغم من كميه الفساد اللى كانت بعهدو ولا حزن لانى خايف على مستقبل مصر وبالتحديد معهده السلام اللى بين مصر واسرائيل واللى كتير من العرب كانو نفسهم نفشكلها لمحربه اسرائيل وتحرير فلسطين وكان مصر هى المكتوب عليها انها تحارب طول العمر وبقيه الدول العربيه تتفرج عمومن ده كلو هتبينو الشهور وربنا يحمى مصر وشعبها

يسقط النظام

بقالى فتره ما كتبتش موضوع فى المدونه اخر موضوع كان بتاريخ 26يناير هقلكم ليه لان كان معروف ان فى مظهره قبلها بيوم وكانت تعتبر الاكبر فى تاريخ مصر بسرعه فاقه المظهرات دى تطورت بشكل كبير وبقى فيها افعال اجراميه من قبل الشرطه من قطل وافعال يعاقب عليها القانون المتظاهرين وصل بيهم بالبيات فى ميدان التحرير مش قلتلكم الموضوع كبر وفجاه الشرطه انسحبت من مصر كلها وفجاه اغلب السجون اتفتحت الموضوع كبر جدا والمتظهرين من بعد ما كانو بيطلبو بالعداله ومحربه الفساد بقو بيطلبو برحيل النظام اللى هو حسنى مبارك وحكومه نظيف واتشال نظيف وحكمتو ولسه المظهرات بطالب باسقاط النظام فى الوقت ده الحكومه الله يخرب بتهم قطعو النت من مصر كلها وكان بكده هتمنع المعلومات وهتمنع المتظهرين من التظاهر المهم النت فضل فاصل حوالى 5 ايام ومع ذالك القنوات الاخباريه شغاله الله ينور وصلنا ليوم الجمعه كل الاحداث دى حصلت من يوم الثلاثاء ليوم الجمعه والمظهرات تقريبا بقت مليون مليون شخص فى ميدان التحرير والوضع كبر اوى مفيش شرطه والمجرمين هربو من السجون المبانى الحكوميه ذى مبنى الحزب الوطنى ومحفظه الاسمعليه ومدريه امن الاسمعليه كلهم ولعو بالكامل عمرى ما خفت فى حياتى قبل الايام دى ياساااااتر حسيت وكان مصر حتخش حرب وده من كتر الاخبار والبرامج اللى كنت بتابعها وكل واحد يقول كلام شكل وصل لمراحل الاكتاب والياس من الجو العام للبلد وضيف على ده حظر التجول فى البلد كل ده وفى متظهرين فى ميدان التحرير لسه قعدين بيطلبو باسقاط النظام مر على الكلام ده كلو لغايت دلوقت 16 يوم وصلت فيهم لمرحله ان معتش عارف حاجه فى اى حاجه معتش ابقى مع المتظهرين ومع التعنت فى كلمهم بان حسنى يمشى دلوقت ولا اسمع لكلام العقل اللى بيقول ننتظر السته اشهر وبعد كده مبارك يمشى كل ما اشوف صور واهالى اللى راحو فى المظهرات بسبب الشرطه او البلطجيه اللى خرجو من السجون او اللى خرجهم الحزب الوطنى بقول لا لاذم يرحل دلوقت ولما اقعد مع نفسى وسمع لكلام العقل اقول لا يكمل السته اشهر وصلت لمرحله ان معتش عارف فين الصح وفين الغلط