الاثنين، 22 أبريل 2013

حكاوى الايام اللى فاتو


عدنا من جديد رجعت باحداث جديده صراحه بقيت بكسل اكتب مش عارف ليه انا اساسا بقيت مكسل اعمل اى حاجه حجات كتير من اللى كنت بعملها فى السابق 
بطلت اعملها شعور الملل والفراغ والوحده بقى زايد عندى جداا بطلت افتح الاميل بنسبه 90%حتا الفيس بوك لما بخشه نشاطى عليه معتش زى الاول هو اساسا 
معدش بيفتح ههههههه مش عارف بسبب النت ولا ايه بمذاجه هو والاميل من كتر ما بقدى يومى نوم معدش عندى نوم انامه مشكله حياتى الفراغ والوحده حتا معدش ليا مزاج اتعرف او اتكلم 
مع حد مش عارف بقيت ماصل لمرحله الكابه وصلت لمرحله ان عت بتجنب الحوار مع من معى بالبيت هو فى الاساس مفيش اواخر شهر مارس فى يوم كنت فاتح الفيس بوك وبتسنكح عليه ههه
فجاه الاقى اعلان فى جروب مشترك فيه مطلوب مصممين جرافكس ومصور فوتوغرافى ومكان الشغل قرب المدينه اللى بسكن فيها قلت بس الشغلانه دى معموله ليا بما انى بحب التصوير وعندى خلفيه 
فى الفوتو شوب المهم اتصلت بيهم وفهمت نظام الشغل هو عباره عن مكتب دعايه واعلان وبالفعل تانى يوم رحت المشوار صحيح مواصلاته كتير وتدوخ بس الحماس كان وخدنى قديت ربع يوم هناك 
فهمت نظام الشغل هناك ايه وخيرونى بين التصوير والجرفك اخترت التصوير لان اكتشفت بعد ما رحت وشفت شغلهم على الفوتو شوب ان لا افقه شيئ فيه المهم قابلت صاحب الشغل شخص كويس 
ومحطرم بسيط فى التعامل فهمنى نظام الشغل اكتر وعلى الراتب اممم دى المشكله الراتب كان مشكله بالنسبالى لان اكتشفت ان الراتب يادوب يكفى مواصلات رايح جاى ده غير ارهاق المشوار
مكنش فيه اى حافز لتكمله الشغل المهم فضلت محتار مابين القبول واعتبرها حاجه اشغل بيها وقتى واكتسب بيها خبره ومابين الرفض لبعد المسافه وقله الراتب المهم رحت تانى يوم قلت اجرب
اكتشفت ان الظروف هتكون صعبه للتكمله ومنها ظروف خرجه عن ارادتى وبالفعل سبت الشغل ورجعت نظرات عنيا للمستقبل الغامض تنظر المهم بعدها باسبوع سافرت فى مشوار للبيت 
اعتقت انه هيكون حلو لاكن طلع العكس من اسوء السفريات اللى سافرتحا فى حياتى متعبتش قد المشوار المهبب ده بجد نزلت من البيت السادسه صباحا العربيه طلعت سبعه وربع وصلت حداشر الا ربع 
قعت تقريبا اربع سعات وياريت على قد كده ده غير المواصلات الداخليه للبلد وصلت للمكان المرغوب فيه على اذان الظهر كل ده لا اكل لا شرب مع ارهاق وتعب من الساعه الثانيع عشر 
لغايت الساعه الرابعه عصرا عباره عن مشى طلوع ونزول سلالم وكمان كل ده لا اكل ولا شرب على امل ان اخلص بدرى واقدر افوق لنفسى بس اظاهر كانت احلام بعد ما خلصت المشوار 
يادوب جبتلى كيسين شبسى وببسى ده اللى كلتهم طول اليوم من الساعه 6الصبح المهم ركبت المواصلات وصلت الموقف طلعنا منه الساعه الساعه تقريبا خمسه ونص وصلت البيت العاشره الا ربع 
ههههههههه كانت ليله سوده والله روحت البيت مش شايف قدامى من ارحاق السفر وقله الاكل والشرب ده غير المشى اللى مشيته ياريت على قد كده من شده التعب اللى تعبته فى المشوار 
تانى يوم جالى دور سخونيه بعيد عنكم قعت فيها 5ايام والله ما بهزر اول مره اقعد المده دى فى دور سخونيه حتى الادويه ما كنتش جيبه نتيجه فين وفيييين عمال ما نزلت لاكن من بعدها وانا عاد جيلى 
عقده من السفر من شده التعب اللى تعبته بس دى احداث الشهر ونص اللى فاتو وكل شهر وانتو طيبين ههههه

الجمعة، 5 أبريل 2013

كلمات حزينه


اصبحت اشعر بالوحده فكل من حولي لا وجود لهم وكان الايام تحكم علي بموت احاسيسي وكان الدموع تاسرني لي ارض الاهات 
لم اعد اعرف اين سامكث بداخلي ام استفيق لحلم ضاع في صفحات السنين....
اشعر انني كلمات بدون احرف وذكريات بدون ماضي 
اشعر ان وحدتي ستقتل احساسي بهذه الحياه فاانا اعتدها تخالج مشاعري بل تتملكني 
لقد اصبحت اتمنى ان اسكن عالم بعيد...... عالم لا اشعر بالبشر فيه.... بل اشعر بنسمات الصباح واليل واحاديث الشجر ومداعبت قطرات الندى لي اوراق الازهار...... 
كل مابداخلي تحطم وتبعثر اصبحت اشلا تناثرت فوق صفحات البحر 
ربما الخوف من المجهول يسكنني وتلك الدمعات تاسرني ولكني فقد احساسي بالامان وثقتي بالازمان

============
لحظات ارى فيها الحياة كانها مماتي
وكل شي يبوح بهلكي
==
منقول