حصاد 2012

اول مره اكتب احداث سنه مرت عليا لان السنين اللى فاتت كانت شبه كل السنين كانت فراغ مكنش فيها اى حاجه ايام عاديه شبه بعض لاكن السنادى سنه الاحداث بالنسبالى بامتياز فيها الحلو وفيها الوحش وفيها اللى ندمت هكتب الاحداث الحلوه والوحشه منفصله عن بعض وهكتب بعض تعليقات على بعض الاحداث هبتدى بالاحداث الجميله اللى حصلت السنادى او اللى مريت بيها من تغير 

اسعد المواقف والاحداث 

1- البحث فى اكتر من مكان لوجود عمل اشغل بيه وقتى 2- استلام شغل فى ماركت الوكاله لمده يوم واحد 
3- القيام بمفردى لرحله الى الاسكندريه 
4- الخروج عن عالم الانغلاق اللى معيش فيه نفسى والتعرف ومقابله 5 اشخاص مثلين 
5- اعترافى لولدتى عن ميولى المثلى ( هكتب عن الموضوع ده على السنه الجديده )

اسوء الاحداث والمواقف 

1- ترك العمل بعد مرور يوم عليه بسبب ضغوط البيت 

2- فعل اول علاقه مثليه ليا والاخيره 

3- الاصابه بالوسواس القهرى مما ساعد على سوء احوالى النفسيه 

ده بختصار الاحوال والاحداث اللى حصلت ليا السنادى وكل رقم منهم ليه موضوع مكتوب فى المدونه مكتوب الا رقم 5 ده لسه هكتب عنه فى السنه الجديده سنه كلها احداث وتغير فى شخصيتى صحيح الايجابيات اللى حصلت فيها كتيره لاكن الاثار النفسيه غطت عليها كلها للاسف يارب تبقى السنه الجديده كلها خر وسعاده عليا وعلى الجميع كلها راحه بال وامان وتكون السنه الجديده افضل واسعد من السنه اللى قبلها يارب 

تجربه مريره لا تنسى

هي تجربتى مع تحليل hiv بعد اول علاقه مثليه ليا جالى بعدها بعشرة ايام وسواس قهرى بان ممكن يكون جالى هذا المرض اللعين الموضوع جه بتوهم ان ليه لا ميكنش اللى كنت معاه حامل للمرض وان ممكن اكون اتعديت منه وبالفعل بدات فى البحث عن المرض ده وعرفت طرق العدوه وايه طرق الكشف عنه طبعا طول الشهر ده كله حاله الوسوسه كانت تزيد عندى يوم عن يوم لدرجه ان بقا مرض hiv شاغل كل تفكيرى وبسبب حلتى النفسيه الوحشه الى بتزيد يوم عن يوم بدات احس بوجع فى القولون كل ما بديت افكر فى المرض ده طبعا مع حلتى النفسيه الوحشه كان عندى نقصان فى الوزن بالرغم من ان كنت باكل كويس ومع زياده الوهم عندى بديت اتوهم بان انا سخن لا انا مش طبيعى وطبعا كل ده مكنش حقيقى وحلتى النفسيه بتسوق اكتر واكتر لغايت ما قررت ان لازم اعمل تحليل عشان اخلص من الوهم والتعب اللى انا عايش فيه بس عرفت ان لازم اكون كملت شهر على الاقل من بعد شكى بالمرض وكل ماده حاله الشك تزيد عن الاول طيب هقول لعندى ايه فى البيت لو لقدر الله وكتير.. من الوساوس اللى كانت منغصه عليا عشتى الله لا يرجع دى ايام المهم مع بحثى على النت عن مرض hivعرفت ان لازم اعمل تحليل اسمه اليزا وده بيبين اذا كنت حامل للمرض ام لا فقط وليس مريض بيه وبالفعل تميت الشهر وقررت ان اروح احلل بسبب حلتى النفسيه وتعب القولون عندى من شده توترى رحت 1\12\2012 ومكنتش اعرف ان اليوم ده هو اليوم العالمى لمرض hiv صدفه غريبه هههههه المهم عرفتهم فى البيت ان عايز اعمل شويه تحاليل عشان اطما على صحتى مش اكتر وبالفعل لبست ونزلت وانا كنت فى قمه الرعب والم معدتى اول معمل رحته كان معمل مشهور اسمه المختبر اول ما قلتلهم عايز اعمل تحليل اليزا طبعا تعبير الشخص اللى كان بيكلمنى اتغير وحب يتاكد قلى الايدز قلتله ايوه طبعا كل ده والدم مسحوب من وشى من شده القلق المهم طلب منى البطاقه فانا بالصدفه كنت نسيها وحتا لو كانت معايا كنت رفضت ادهلهم المهم قلتلهم ان ناسيها فى البيت المهم مرضوش يعملولى التحليل من غير البطاقه وبعتقد ده نظام معمل التحاليل لان كان فى شخص تانى كانو وخدين كمان منه البطاقه المهم نزلت من عندهم وانا مدايق اكتر بسبب تعبيرات الوش اللى شفتها المهم مشيت شويه ورحت لمعمل تحاليل تانى بس المرادى الدم كان رايح من وشى خالص من كتر القلق هههههه رحت ولقيت ناس بيشتغلو فى المعمل قعدين يجى 5 او 6 يعنى الكل هيسمع عايز اعمل اه قلت للسكرتيره كنت عايز اعمل تحليل اليزا طبعا تعبيرات وشهم اتغيرت شويه ربنا ما يوريكم شر نظره الناس ههههههه قالتى قصدك hiv قلتلها ايوه المهم فعلن اخدتنى وسحبت عينه دم منى وانا فى المكتب جوه لقيت موظف بيسالنى انت ايه اللى خلاك تحلل التحليل ده انت شاكك بحاجه طبعا انا كنت مخترع قصه فى دماغى للاساله الى زى دى لان كنت متوقعها المهم قلتله اصل كنت واخد حقنه وكنت شاكك فيها انها مستخدمه قبل كده فحبيت اتاكد وكده المهم التحليل اتكلف 80 جنيه وقالولى هتستلم التحليل تانى يوم قلتلهم ماشى طبعا طول اليوم ده كل الافكار السلبيه كانت موجوده عندى لاكن كنت بطما نفسى بان يعنى دى كلها علاقه وحده اللى حصلت وان انشاء الله خير المهم جه تانى يوم طبعا كنت نازل والقولون عندى كان تعبنى على الاخر لولا ان كنت بتوه الاوهام اللى عندى باللى رايح والى جاى فى الشارع كنت هتعب اكتر المهم رحت المعمل وقلبى على ايدى سالتهم على التحليل قلولى ايوه خلص قلتلهم طيب النتيجه ايه قالولى نيجاتيف سلبيه يعنى قلتلهم عشان اتاكد كمان يعنى كويس قلولى ايوه والسكرتيره اللى كانت وخده التحليل منى كانت زى العقربه ههههه مكنتش مرتحلها خالص قامت دبالى كلمه وانا ماشى قالتلى ابقا خد بالك بعد كده طبعا تعبيرات وشها بتقلى خد بالك يا فالح بعد كده ونزلت عندهم وانا فى قمه السعاده وراحه البال وبطنى فى حاله هدوء من التعب وخت عهد على نفسى ان اصلى ركعتين شركر لله وان اللى عملته يكون اول مره واخر مره فى حياتى لان بجد اكتشفت ان العالم ده مش بتاعى وما ينفعنيش ده غير ان التجربه اللى مريت بيها تخلى اى حد يتوب بزات اذا كان موسوس زى ويوم ورا يوم كنت بحس بتحسن فى بطنى لغايت ما خفيت خالص طبعا ده ما يمنعش ان من الوقت للتانى بيجيلى حاله الوسواس القهرى من تانى بس بشكل خفيف وبيعدى مقدرش اقول دلوقت غير الحمد لله 

وكل مثلي ياخد باله من نفسه ولازم يحلل بس خلاص .

ما هى الاختبارات المعملية للكشف عن فيروس HIV

تجيب دكتورة سوسن الشيخ رئيسة الجمعية المصرية لمكافحة الإيدز قائلة: الإيدز فيروس نقص المناعة البشرى ( HIV ) غاية فى الصغر ولا يرى إلا بالمجهر الإلكترونى ويمكن القضاء علية بسهولة خارج جسم الإنسان أما إذا تمكن من دخول الجسم فإنه يصيب خلايا الجهاز المناعى وغيرها ويدمرها ويقضى على الشخص ولكن الفترة ما بين دخول الفيروس وتدمير جهاز المناعة تتراوح بين ستة أشهر إلى سنوات طويلة.

وطرق نقل العدوى:

ينتقل فيروس HIV من المصاب إلى غيرة بثلاث طرق محددة ومعروفة هى:

• الاتصال الجنسى مع مصاب بالفيروس فأى اتصال جنسى بين مصاب بالفيروس ذكر أو أنثى يمكن أن ينقل الفيروس والعدوى تنتقل فى أى علاقة جنسية من الذكر إلى الأنثى ومن الأنثى إلى الذكر ومن الذكر إلى الذكر ومن الأنثى إلى الأنثى.

• عن طريق الدم الملوث بفيروس الإيدز ويحدث هذا فى حالات نقل الدم إذا كان به فيروس الإيدز ولم يتم تحليل كيس الدم، ويمكن أن تنتقل العدوى عن طريق المشاركة فى استعمال الإبر والمحاقن حيث إن الحقن الملوثة بالدم من شخص مصاب بالفيروس يمكن أن تنقل العدوى إلى شخص آخر عن طريق المشاركة فى تعاطى المخدرات بالحقن.

• عن طريق الأم المصابة إلى الجنين أثناء الحمل أو الولادة أو بعد الولادة عن طريق عملية الرضاعة الطبيعية.

ولتجنب نقل العدوى:

لا تنتقل العدوى بالاتصالات العارضة أو المعايشة اليومية فلا تنتقل عن طريق السعال أو المعانقة أو التقبيل أو اللعاب أو المشاركة فى استعمال أدوات الطعام والشراب وحمامات السباحة أو زيارة المرضى.

كما أن المخالطة فى محيط الأسرة أو العمل فى الأماكن المزدحمة كالمواصلات العامة والمتاحف لا تنقل العدوى.

والحشرات بجميع أنواعها لا تنقل العدوى لأن فيروس HIV فيروس بشرى يموت خارج جسم الإنسان ولا يتكاثر داخل جسم الحشرات وقد أثبتت الأبحاث العلمية استحالة نقل العدوى عن طريق أى نوع من الحشرات. 

كما أن الحلاق وطبيب الأسنان لا يلعبان دورا فعالا فى نقل العدوى لأن فيروس HIV ضعيف جدا خارج جسم الإنسان ويموت عند درجة حرارة 56 مئوية.

ويعد الفحص المعملى للإيدز هو الطريقة الوحيدة لمعرفة حدوث العدوى بفيروس HIV وهو عبارة عن تحليل خاص بفيروس HIV وتوجد اختبارات عديدة لفحص الدم الخاص بالفيروس .

ويتم تشخيص العدوى بفيروس HIV عن طريق اختبارات معملية:

1. اختبار فحص الأجسام المضادة ( الإليزا ) ويتم إجراؤه بعد شهر من التعرض للفيروس عن طريق فحص عينة من الدم ونتيجته تكون أما سلبية أو إيجابية.

2. اختبار فحص الأجسام المضادة ( الوسترن بلوت ) وهو فحص تأكيدى يتم إجراؤه للحالات الإيجابية من فحص الإليزا.

3. الفحص السريع.

4. فحص الأنتيجين (الكشف عن الفيروس) ويتم إجراؤه بعد أسبوعين من التعرض للعدوى وتكون نتيجته إيجابية فى المرحلة المبكرة من العدوى والمراحل النهائية من المرض.

5. فحص ( PCR ) ويتم إجراؤه بعد أسبوع من التعرض للعدوى.

طرق التشخيص المتبعة فى وزارة الصحة فى مصر:

1. فحص الإليزا.

2. فحص الوسترن بلوت إذا كان فحص الإليزا إيجابيا.