شفيق والمطار

 طبعا احوال البلد من اسوء الى اسوء من فتره تمت انتخابات الرئسه وانتخبت احمد شفيق وزير الطيران الاسبق واخر رئيس وزراء شخص راقى محطرم انجز فى وزاره الطيران عندو فكر مرتب للمستقبل المجهول شخص اتظل كتير وبيتظلم 

طبعا انا بالنسبه لبتوع التحرير فل من الفلول ههههه لا وكمان اليومين دول كمان بيخون  اللى انتخبوه ههههه ما خلاص مابقتش ثوره بقت فوضه ومهزله اللى هيخشو فى الاعاده اللى كمان كام يوم مرسى من الاخوان واحمد شفيق وطبعا بتوع التحرير ما عجبهمش نتيجه السندوق  وده يدل انهم مش عيزين ديموقراطيه دول عيزين فرض راى الاقليه صحيح هنتخب شفيق لانو الاصلح للبلد بس بتمنى مرسى اللى يكسب عشان يربى بتوع التحرير دول اللى فكرنها سيبه طبعا اى حد بيشتم فى المجلس العسكرى والاخوان بيبقى بطل وثورى بس مايهمنيش الكلام ده انا واحد ماشى مع العقل بيقول ايه كمان دلوقت مانا بكتب عملنلهم مليونيه فى التحرير مش عارف سببها بالتحديد صراحه ههههههه هل عشان الحكم بتاع مبارك ولا لترشيح شفيق ولا للمجلس الرياسى مش بقلكم فوضه بعتقد لو الموضوع استمر حيحصل انقلاب عسكرى .

المهم نيجى للموضوع التانى اليومين دول معتش بخش كتير النت للاسف وااء واااااااء لان اليومين دول كنت مسافر لان فى ناس عيزه عليا جين من السفر واطريت اسافر لبلدهم ومن هناك اروح اجبهم من المطار بحب الايام دى جدا بحس نوع من التغير الجو بشوف ناس جديده والاجواء بتبقى حلوه وبمنسبه الناس ولاد البلد دى كتير منهم قمامير اوى صحيح فى كتير كمان مش حلوين لاكن كمان فيه كتير حلوين يمكن الموضوع واضح لان تعداد سكان البلد مليون ونص تعتبر صغيره بالنسبه لغير محفظات المهم جه وقت اللى اجيب فيه الناس من المطار وكان بقالى فتره مارحتش جبتهم وقلت اروح اهو تبقى رحله صحيح متعبه بس مش مشكله اهو بالمره اشفهم بما ان ليهم وحشه المهم رحت مع العيله والطريق فى الغالب بياخد ساعه ونص او سعتين الا ربع لغايت المطار لاكن المرادى خدناه تقريبا فى اربع او خمس سعات اه والله كل ده بسبب الطريق بعيد عنكم كنت هولع فى العربيه بسبب الحر اللى كان فى اليوم ده ومش بس كده ومن سخونه العربيه اللى من شده سخونيتها العربيه شاطت هههه من شده السخونيه والميه اللى نشفت فيها كان يوم دوشه بجد ما بقتش مستمتع زى ما كنت متوقع المهم انهم وصلو بالسلامه واليوم عدى صحيح بحب الفتره دى بس الحلو ما يكملش لاذم الاقى حجات تنغص عليا عشتى بس بقول يارب .

من يومين قلت لما انزل على بتنا اريح شويه من الدوشه اللى هناك ومن الاجواء المشحونه واقعد شويه على النت يمكن اهدى شويه وكمان اشوف موضوع الشغل ده لقيت معروض شغل فى المكان اللى سالت عليه قبل كده كنت كتبت عنو قبل كده لقتهم عرضين رحت كتبت البينات اول ما جيت من السفر وقالولى هنتصل بيك حلنى بقى عمال ما يتصلو ههههه وبالفعل نزلت وحسيت بروقاااااااااااااان  مع ان المفروض اسافر بكره للاسف لان بيحتجونى وعشان اقعد مع الناس اللى بحبهم هناك ماسبهمش فى الوش لوحدهم ههههههه بس مدايق والله كان نفسى اكمل جو الروقان واااااء .