كاميرا ومواقف واحداث التصوير

هلا فيكم بقالى كتير مكتبتش موضيع لاكن بتابع الزوار والتعليقات كل يوم (اللى يسمع كلامى يقول مش ملاحق على التعليقات هههه) المهم الموضوع ده احتمال يكون طويل بمناسبه المتابعه للمدونه اغلب المتابعين من السعوديه  وامريكا والعراق والمغرب  دول الغالبيه لاكن فى من كل الدول حتا سعات بستغرب دخول بعض الدول فى المدونه وطبعا ببقى سعيد بالتعليقات اللى بتتكتب على بعض الموضوعات المنشوره 

المهم نخش فى الموضوع من شهر تقريبا او اقل اشتريت كاميرا جديده بما انى بحب التصوير بشكل عام واحب اسجل كل حاجه مهما كانت صغيره من خلال الصور بس المرادى الكاميرا شبه احترافيه فوجى فيلم s4000 من مميزتها 14 ميجا بكسل زوم 30 وااو طبعا المعروف ان احسن انواع الكاميرات بشكل عام فى الاحترافيه والشبه احترافيه هى كانون والنيكون لاكن بصراحه لقيت فوجى مواصفتها عجبتنى اكتر من نحيه حجتين الزوم 30 تحفه والعدسه الصغيره للعين عشان التصوير لو الشمس قويه دول السبب الاساسين  اه نسيت كمان الفلاش بتعها قوى وحلو والقيمه تدعم العربى كمان عيوب الكاميرا دى المنيو بتعها شكلو مش حلو ولا الخط المكتوب بيه  سعات بياخد وقت عمال ما بينفز امر الزوم او التحويل لاى وضع تانى غير اللى عليه كمان الكاميرا فيهم عيبين بعتقد موجودين فى كل الكاميرات الشبه احترافيه وهو نوعيه البطاريات  وكمان تقل الكاميرا مقارنه بالقديمه  المهم انا من النوع اللى بخجل جدا اطل الكاميرا واقعد اصو نظره الناس ليا بتايدنى فى التصوير بس المرادى ولا عاد بيهمنى عت بنسا الناس وبطلع الكاميرا وبصور المهم مره رحت عند خط السكه الحديد قلت اصور هناك ممكن يطلع معايه صور كويسه

صوره من تصويرى 

 المهم وانا بصور لقيت واحد بينادينى بيقلى صور المكان المهمل ده اللى جنب المكان خليهم يشوفو الاهمال اللى عند السكه الحديد صراح هانا استغربت قلت الراجل اظاهر فكرنى صحفى ههههه المهم ريحته وصورت   كمان اليومين اللى فاتو البلد عندنا كانت ولعه مظهرات وقطع طريق وبلاوى سوده المهم نزلت اول مره للمظاهرات وخت الكاميرا قلت اخرج ابداعاتى فى التصوير هههه المهم بالفعل طول ما انا واقف قاعد اصور وكل ما حد يشفنى يفكرنى مصور صحفى تبع موقع ولا جرنال اقلهم لا انا هاوى تصوير فقط فى اليوم ده صورت اكتر من 160 صوره كان من بنهم 20 صوره فعلا كانو جمال جدا وعجبونى  طبعا الزوم الموجود فى الكاميرا نفعنى جداا لاكن العيب المشكله اللى عندى مع الكاميرا انع يزه تدريب وحفظ الاوضاع واستخدامها عشان اعرف استفاد بكل امكانيتها  المهم نزلت المظاهرات تانى لاكن المرادى كان بليل والشرطه مكنتش موجوده والطريق اتقطع والكوتش بيولعو فيه جماعه شكلهم كده عوطليه وصيع المهم طلعت الكاميرا وقعت اصور وقلت اهو بالمره اجرب الكاميرا فى الاوضاع الليليه لقيت واحد منهم جيلى بيقلى انت بتصور ايه قلتله بصور اللى بيحصل قلى انت تبع جرنال ايه قلتله لا مشتبع حاجه انا هاوى قلى اوع تكون من الاخوان قلتله لا ياعم نا مالى بيهم المهم طلب منى معتش اصور واعين الكاميرا عشان لو باقى العوطليه لو شفونى هيكسروهالى المهم عنتها شويه وبين الوفت والتانى كنت بصور وهو بحق الله كان طول ما هو رايح وراجع يقلى معتش اصو ويقول للى وقفين جنبى خلوه يعين الكاميرا مكنتش اعرف اللى هيحصلى بعد كده هههههه المهم الملتوف بدء يتحدف على المبانى الحكوميه قمت رايح اصور اللى بيحصل ومن خبتى شغلت فلاش الكاميرا دى اللى خلت بعض الناس ينتبهولى لقيت واحد جيلى بيقلى انت بتصور ايه امسح الصور دى واللى بعده واللى بعده اتلمو عليا وكلهم نفس الكلمه قلتلهم ياعم مسحت الصوره كل اللى عليهم امسح الصور ما نجدنيش من اديهم غير شاب كده تقريبا شكله تبع حزب قعد يهدى فيهم ويقلهم مسح الصور ومع زالك فضلو ملمومين عليه لاكن لولا الشاب ده كان زمان يمكن الكاميرا يامخطوفه يامكسوره الله اعلم الغريب ان كان فى هناك مصور شكله تقريبا تبع جرنال سيبينه ومسكين فيا انا الغلبان جتهم قرف سدو نفسى من بعدها لاكن بعده بكام يوم نزلت تانى لما لقيت فى قنوات بتصور اللمظاهرات قلت بس محدش هيقدر يكلمنى وهنزل اصور برحتى ولو حد كلمنى هفضحهم على القنوات كلها هههههههه وبالفعل صورت والجو كان امان جداا  بس سعات بقى بنزل اصور مناظر طبيغيه صورت كام صوره للغروب لاكن تحفه بجد المشكل هان انا هاوى تصوير بس مشعارف ايه الطريقه الصح اللى انميها بيها واستفاد منها فى المستقبل بس بالنسبه لاحوالى النفسيه الحمد لله احسن من قبل بكتير وتقريبا نسيت الوساوس اللى كانت عندى قبل كده بس ده موضوعى للشهر ده  .