من المرات القليله اللى طولت فيها عن التدوين يمكن دى اطولها يمكن لان مافيش حاجه مهمه اتكلم فيها والاحداث تقليديه مافيش جديد عن اللى مكتوب
مافيش غير ان انا شاركت فى ثوره 30 يونيا فى محفظتى وفى ناس عزيزه على قلبى رجعو من السفر وعن حلتى النفسيه فتعتبر الى حد ما فى استقرار
يمكن بقى عندى مقدره اكبر على تناسى بعض الامور اللى بتديقنى كل ما بفكر فيها لسه بحاول انمى هويتى فى التصوير وللاسف اللى شايل كاميرا فى ايده تعتبر بلوه وممكن تيجى على دماغه اذكر مره كنت خارج بصور فى مزلقان سكه حديد لقيت العامل الموجود بيبسبسلى عملت نفسى مش واخد بالى واخر ما خلصت رديت عليه لقيته بيقلى ممنوع التصوير هنا اقله ليه يقلى هو ممنوع وكده المهم شمال يمين دماغه جزمه سبته ومشيت وحصلت اكتر من مره فى مظاهرات واماكن حتا انا بقيت اخاف وابعد عن بعض الاماكن اللى نفسى اصور فيها عشان اوفر على نفسى كلمتين اسمعهم لان محدش بيقتنع بالمصور الهاوى بالنسبه لثوره 30 يونيا فكانت حدث لا يكرر اعداد فاقت خلع مبارك يااااه مش قادر احكى واقول ايه ايمها ووقت ما مرسى اتخلع ووشهم الحقيقى بان هو واهله وعشيرته سعتها قلت داين تدان نفس اللى حصل فى مبارك والمجلس العسكرى اتعمل فيهم فعلا مكنش ينفع يقعد اكتر من كده حاكم للبلد بجد انا بستعر من الجدع ده انه كان رائيس للبد مش عشان انه ما عملش اى اصلاح فى البلد بل خربها لالا ممكن احطله عزر لاكن حته فى سياساته الخارجيه وتعمله مع المعرضه كفايه بس الاهل والعشيره بجد ايامه كانت ايام سوده صحيح اللى هيجو بعد مرسى مش هيختلفو كتير لاكن انا متاكد ان هيبقا ارحم ومع الوقت الوضع بيتحسن يكفى بس ان اول ما مرسى اتخلع ودايع الدول الخليجيه كلها انهالت على مصر وبالتحديد الامارات اللى بوجهلهم شكر كبير لان طول عمر الامارات بتحب مصر وبالتحديد الشيخ زايد كما اسمع ديما واخر كلامى يارب يحمى البلد وتبقا احسن من الاول
ليست هناك تعليقات:
إرسال تعليق