رحله الى الاسكندريه 1

كنت محتاج من زمان مشوار زى ده حتى لو لمده يوم بقالى تقريبا 3 شهور بحاول معاهم فى البيت عشان اروح بما ان عاطل ولسه باخد المصروف من اهلى فبالتالى طيب الشهر الجاى لا الى بعده لغايت ما جت ساعه الصفر وتاكد سفريتى لبعد العيد وبالفعل خلص العيد وجهزت اليوم اللى هسافر فيه من قبل ما احدد اليوم وانا قبلها تقريبا بعشره ايام كنت بدور على اصحاب اقابلهم وتمشه معاهم دورت على الفيس بوك كتير ملقتش حد دورت على المانجام كلهم ليهم اغراض ومع زالك قلت لما اشوف اتعرفت بكتير جداااا منهم اللى مرضوش نتقابل وطبعا انسحبو بشكل ظريف ومنهم اللى مكنش بيرد ومنهم اللى اتلهم نمره الخط التانى وبالفعل اخت نمره شخصين قلت اهو الاقى حد اقدى معاه اليوم  يوم السبت قلتلهم فى البيت عايز بقى الفلوس عشان اسافر قالولى لا طبعا مش هم بيتحكمو فيا هم قالولى لا وانا الدم ضرب فى دماغى طيب ليه وايه السب طيب يهديك يرضيكم طيب ده احنى متفين وانتو موفقين ابدااااااا فى الوقت ده بقى خلاص معتش باقى على حاجه اتخنقت معاهم  فى البيت وجبت كل اللى فى قلبى بقى بعد ما عشمتونى تخلو بيا دلوقت وتقولو لا ومنغير سبب منطقى عشان ايه انشاء الله فضلت طول اليوم احاول واحاول لغايت ماجيت على قرب الفجر كده سرخت فى وشهم ههههههه مش سريخ يعنى بس انفعلت جامد المهم ودخلت قفلت عليا الاوضه كالعاده المهم كمان شويه لما لقولنى منفعل ومدايق كده رجعو نادونى تانى عشان يقلولى خلاص خد وروح هههههههه

طيب وليه النكد من الاول هو نكد ووجع قلب ياوجع قلبك يا.......المهم انا هديت جدااااا لاكن المشكله كانت فى ديق الوقت لان الموفقه كانت قبل الفجر وانا المفروض انزل من البيت 6 الصبح حتى ملحقتش اتفق او ادور  على حد اقدى وقتى معاه المهم اخت نمرتين حد اتعرفت عليهم قلت يمكن اقابلهم المهم سافرت السفريه وحديد لاصديق ولا يحزنون المفروض ان هروح مكتبه الاسكندريه والقلعه ومول سانستيفنو والمنتزه المهم فعلا سافرت فى الاسوبيس قلت اهو يكون مكيف ومريح طلع لا مكيف وولا مريح تقريبا اللى فيه مروحه مش تكيف ههههه والكرسى متعب انا نازل الساعه 6 والاتوبيس طلع 7 ومن سبع وصل اسكندريه كام بقى 11 اربع سعات قرف بجد مليت وتعبت جداااا 

المهم نزلت الموقف وحيد غريب لا اعلم شيئ سقلت اروح القلعه منين قالولى اركب المنشيه ركبت المنشيه وبالفعل المدينه كبيره جداااا والطريق طويل جدا جدا بالتحديد طريق البحر وانا راكب الميكروباص او كما يسموه المشروع لقيت القلعه من بعيد جدااا ولقيت على شمالى على طول مكتبه الاسكندريه قلت بس راحها الاول وبالفعل نزلت ورهت لهناك قطعت تكت الدخول وسبت شنطتى فى الامانات لان مرضوش يدخلوها بس خت منها الكاميرا طبعا المكان نظيف جدااا ومهتمين بيه جداا جداا وكان مليان وسياح اجانب كتير المهم قديت فى المكان ساعه لف فيه وتصوير المهم خرجت من المكتبه وكان الجو فى الوقت ده حرررر موت مشيت وخت شنطتى من الامانات .

يتبع .