الوكاله فى 8 سعات

كنت كتبت قبل كده فى مواضيع سابقه ان بدور على شغل لان احتاج ان اخرج من افراغ والعزله اللى انا عايش فيها ومن بين الاماكن اللى كنت بتقدم ليها للشغل سوبر ماركت الوكاله كنت كتبت عنه موضوع قبل كده فى الرابط ده ماركت الوكاله الماركت ده اتقدمت ليه مرتين عشان اشتغل فيه مره تم رفضى لان لسه بكمل تعليم ومره تنيه كتبت بيناتى ومتصلوش بيا طبعا ده على اوقات متبعده من كام يوم كنت خارج فى مشوار المهم طقت فى دماغى اروح للمحفظه لقسم القوه العامله اسال فيه عن شغل وفعلن رحت وسالت المسؤل عن الوظايف وقلتله بالتحديد ان عايز اشتغل فى المكان ده بالتحديد وبالفعل الراجل كتبلى طلب عشان اقدمه لاداره الشغل بصراحه الراجل المسؤول اللى برحله شخص طيب جدااا فى اسلوبه وكلامه وشه بشوش المهم ده كان 12\11\2012 وبالفعل خت الجواب وطلعت بيه على اداره الماركت عشان اقدمه وبالفعل الامور المرادى كان الموضوع ماشى جد عن اى وقت تانى رحت فيه اللى هناك طلبومنى ثلاث صور وشهاده الميلاد وصوره البطاقه المهم رحت تانى يوم وجبت الطلبات بس رحت قبل المعاد بساعه وللاسف انتظرت ساعه كمله عمال ما المسؤل عن الشغل وصل وقدمت ورقى للموظفين اللى هناك وجه عليا الدور ان اخش للموظف اللى هيشوف الورق ودخلتله طبعا قلى بتدرس ايه قلتله اشتغلت قبل كده قلتله لا ساكن فين المهم اتقبلت فى الشغل طبعا فى البيت لما عرفو ان اتقبلت لما كلمونى فى التليفون صوتهم انخفض وبان عليهم خيبه الامل ان متقبلش فى الشغل هههههه لانهم كانو فى الاساس رفضين ان اشتغل وعيزنى افضل لغايت ما اخلص دراسه وانا مش عارف هخلص امتا لوول بعتقد عيزين يخلونى فى البيت انتيكه باسم ان مش عيزنى اتبهدل فى الشغل ده المهم صممت وفعلا اتقبلت وحددولى الفرع اللى هشتغل فيه كل ده كان يوم 13\11\2012 المهم وانا مروح عديت على الفرع ولحسن الحظ كمان ان مكان الشغل قريب جدا جدا للبيت المهم رحت لمدير الفرع المهم سلمته الورقه اللى ادوهالى قعد طبعا يسالنى اذا اشتغلت قبل كده او لا وليه عايز اشتغل بزات وانا لسه بدرس المهم وافق على التعين وادانى قسم الادوات المنزليه وعلى كلامه من الاقسام السهله لان ما بيحتويش على تواريخ وصلاحيه زى باقى الاقسام وده اللى عرفته بعد كده من اللى بيشتغلو فى المكان المهم وافقت وقلت هبتدى من بدايه اليوم وفعلا روحت وعندى فى البيت كانو مسهمين وظاهر على وشهم خيبه الامل ان الموضوع يفشل هههههه وقعدت ولدتى تقنع فيا بلاش وهتبهدل نفسك وانا استحاله وكنت واخد الموضوع هزار بسبب المنظر اللى كان ظاهر نسيت اقول ان الشغل كان من الساعه 8 الصبح لغايت 5 المغرب المهم عدا اليوم وجه يوم جديد يوم 14\11\2012 يوم الشغل طبعا كان جيلى قلق بسبب اعتيادى على السهر والتفكير نمت بس 3 سعات وفعلا صحيت ى الموعد لبست ورحت لقيت مدير الفرع موجود المهم خدنى للقسم بتاعى وعرفنى عليه وقلى على جدول النظافه بتاع القسم بصراحه الكلمه ديقتنى بس عادى قلى ان هاخد رف كل يوم هشيل من عليه الطراب وانظفه وى الحجات اللى مش عليها البار كود او السعر اخش المكتب المسؤل عن الموضوع ده وعمل ليه المهم عرفت بعد كده ان لازم كل يوم الصبح اخد المساحه ومسح القسم بتاعى طبعا هنا اديقت جدااا حسيت بالاهانه صراحه حسيت ان استاهل شغل احسن من كده بس طبعا مستحيل وقال ايه اللى رماك على المر قال اللى امر منه وهى الفراغ والعزله عن الناس بدات اتعرف اللى موجودين فى باقى الاقسام كنت من الساعه 8 لغايت 1 كده كنت فاضى لدرجه الملل وواقف من غير ما اقعد طبعا عرفت ان ممنوع فتره الشغل ان اقعد حتا بقيت بستعجب وبستنكر النظام ده ان ميكنش ورايا شغل فى القسم وافضل واقف المهم وصلت عربيه كبيره مليانه بضاعه للقسم بتاعى ولباقى الاقسام لقتهم بينادونى عشان اسعدهم فى الشيل شيال يعنى نعم للاسف ودى كانت اول حاجه عملتها بقينا بننزل فى كراتين للقسم بتاعى شويه ولباقى الاقسام شويه لغايت ما دراعى والله اتخلع ده غير ان من الساعه 8 الصبح ما قعتش لغايت ما اتهديت المهم بعد ما نزلنا الحاجه وبعد ما اتفرزت الحجات حاجه حاجه اختهم للقسم عندى طبعا لان لسه مشعارف ايه بيتحط فين فلفيت حولين نفسى كل ده وكل ما واحد يشفنى من باقى الاقسام يقلى ده انت واخد اسهل قسم المهم رتبت بعض الحجات وباقى الحجات سبتها للى هيجى للنص التانى لليوم ده اللى قالته ليا اللى بدربنى على الشغل فى القسم بتاعى وفعلا انتهزت فرصه الفراغ اللى انا فيه وان لقيت كرسى وقلت اريحلى شويه لان بجد رجلى اتكسرت بسبب عدم الراحه كان فى الوقت ده اساعه 3 العصر لسه قاعد بقالى نص دقيقه والا الاقى حد من الاداره بيقلى انت قاعد ليه قوم رتب الحجات دى المهم قمت فعلا عملت اى حاجه وقتها وانا متنرفز جدا للنظام ده وان انا من الصبح واقف ما قعتش سنيه كل ده واللى فى القسم اللى جنبى بيقلى انا لسه شفت حاجه ههههه المهم جت الساعه 5 وجه وقت ان امشى صحيح كنت مدايق للموقف اللى بقيت فيه وللارهاق الشديد اللى حسيت بيه وبالتحديد رجلى بس بنفس الوقت حسيت بحاجه جديده حلوه مقدرش افسرها بس على قد صعوبتها حسيت ان ماليت الفراغ اللى عندى وانجمجت مع الناس طبعا روحت البيت لقيت الوش مقلوب والجو اللى حكيت عنه فى اول لموضوع حسيت بغم اكتر ما انا زهقان ومدايق من نظام الشغل رجعو يفتحو ليا موضوع ان اسيب الشغل وانا قلتلهم لالا وانا حر المهم طول اليل وانا بفكر واخت قرار ان هسيب الشغل لسببين اولا مكنتش حابب موضوع الشيل والمس ده ده غير كلام الرفض واللى هسمعه فى البيت لشغلى المهم نمت وصحيت فى المعاد لقيت عندى بيحلفو ان مش نازل الشغل واستحاله اكمل صراحه اتعصبت على الصبح كان معزه بيجروها فى البيت ولا خاروف مالوش اى راى عشان يتحلف عليه يعمل ايه ومايعملش ايه حسيت ان لعبه بيتلعب بيها طبعا ما سالتش فى اللى بيتقال ونزلت قلت حتا اكمل اليوم واعتزرلهم وفعلا نزلت وانا مدايق للاسلوب اللى فى البيت ورحت لمدير الفرع واعتزرتله ان مش هقدر اكمل قلى ايه السبب قلتله على الحجات اللى ديقتنى واهو بالمره حجه لان اسيب الشغل لقيته بيقلى طيب ممكن يوقفنى مساعد كاشير بس لما يجى عربيه فيها بضاعه لازم اسعدهم فيها فاعتزرتله وقلى زى ما تحب وفعلا مشيت بس بصراحه وانا مدايق صحيح كان فى حجات كتيره فى الشغل مديقانى بس كان مضيع كتير من الفراغ اللى عندى وكان بيتهيقلى احسن من شغل كتير بالنسبالى بس ورجعت لقعده الاوضه والفراغ وقعده الكمبيوتر اللى ياعالم هتودينى لفين وبس .