تعبت من كتر التفكير دماغى ما بتقفش لدرجه الاذعاج حتى وانا حاطط دماغى على المخده وبنام بفكر مش عارف اعمل ايه يمكن ده لان اغلب الوقت او كل الوقت قاعد مع نفسى فده بيخلينى بفكر فى اى حاجه وكل حاجه منكرش ان التفكير الكتير ده خلانى احلل كل حاجه بتحصل قدامى ولكن ده ما يمنعش انو سعات بيبقى نقمه على الشخص لان بيخليه بيفكر فى حجات كتير حتى لو سلبيه او من درج الذكريات فعلا معتش قادر اتحمل الوحد بحس ان كلامى شبه اللى قبلو واللى قبلو حياتى مافيهاش جديد اللى اصحى فيه ابات عليه
جيت فى وقت كان جوايا احساس قوى بان انا محتاج فعلا للحب نفسى احب واتحب وانا مش من النوع اللى بيبحث عن الحبيب سايب الموضوع للحياه يجى ميجيش بس احساس متعب بمر بيه كل فتره كده سعات بسال نفسى مين هيستحمل شخص ذى مختلف فى كل حاجه فى ظروف حياتو وشخصيتو ودماغو مين هيستحمل شخص بيفكر كتير وبيحسب كل حاجه بيعملها مين مستعد يقدى وقتو مع حد عندو كلاكيع وعقد نفسيه سبحان الله اللى نحب نتعرف عليهم ونقرب منهم يبعدو عننا ويتبعدو واللى يحبونا ويحبو يتقربو مننا نبعد عنهم ولكن الفرق بينى وبين حد تانى ان بحترم كل اللى بيتقربو منى حتى لو بالكلام حتى لو مكنتش متفاعل فى للكلام معاهم بقدر الاحساس اللى عندهم ده وبتفاعل معاه وببادلهم نفس الموده حتى لو ما بفضلش الكلام معاهم فى وقت ناس تنيه عنهم هوايه تجاهل الاخر والتفنين فى تهميشو ورمى قربو منهم فى عرض الحيطه بس اقول ايه دى الدنيا
مش عارف ايه الحكايه طالع على بالى اسبغ شعرى غير ان بلاحظ وجود بعض الشعر الابيض عندى مش ده الاساس نفسى اعملو كستنائى او بنى غامق وللعلم وللى ما يعرفش طول عمرى من هواه تلوين شعرى وانا عندى 10 سنين كنت اول واحد يسبغ شعرو كان قبل عمرو دياب كمان هههههههه يمها سبغت شعرى اصفر ههههههههههه وعنكم ما تشوف الا النور كان شكلى غريب وملفت فى السنه اللى بعدها سبغت شعرى بنى فاتح بس ما حبتوش السنه اللى بعدها كنت بمر بمرحله جنون ههه من كتر ما سبغت شعرى عملتو اصفر ورجعت كنت عايز اعمل خصل بس صفره بس من كتر ما شعرى كان قصير مكنتش بعرف وعشان كنت عايز افتح درجه الون كنت بزود النشادر ودى من المواد الكويه هههههه من كتر ما زوت فى الدرجه شعرى اتحرق ههههههههههه وكان بيتقطع حتى بعد ما الون راح شعرى بعدها ضعف وكان بيقع كل ما بسرح شعرى ولغايت دلوقت بس مش عارف ده طبيعى ولا بسبب اللى عملتو لشعرى لوول بس متخفوش لسه متقرعتش لاكن بعتقد لما اكبر فى السن شعرى هيخف كتير المهم كنت بقابل سبغ شعرى ده بالاستغراب بان ما بيسبغش شعرهم غير البنات بس مكنتش بحط فى دماغى الكلام ده وردى عليهم كان ان السبغه دى مش مكتوب عليها للبنات فقط دى بدع احنى اللى اخترعناها واللى كمان بيشجعنى على كده ان كنت بلاقى كمان فننين رجاله بيقلدونى ويسبغو شعرهم فمكنتش باخد فى بالى ولغايت دلوقت الموضوع فى دماغى
هناك تعليقان (2):
لو ممكن يا عزيزي إنك تشوف ليه مدونتك لما تكتب موضوع جديد، ما تطلعش عندي في أول قائمة المدونات...
شوف في مدونتي، لما واحد يكتب موضوع جديد، مدونته تصير الأولى في القائمة!
فيه باراميترز يمكن إنك تعملهم في البلوغر أظن...
ايوه شفت بس مش عارف المشكله فين هحاول اشوف فى الاعدادات يمكن الاقى الحل
ميرسى على المتبعه
إرسال تعليق